مرة واحد بيعدي الشارع مع صحابه خبطته عربية ومش عارفين يقولوا لمراته الخبر ازاى ..شالوه وراحولها البيت فتحتلهم الباب واحد منهم قالها : جوزك ضيع كل فلوسه عالقمار.. قالتله : إلـهي ينشل البعيد !! .. قالها: وباع البيت .. قالتله: إلهي يبيعوا عنيه !!! قالها: واتجوز عليكي على فكرة .. قالتله: إلهي يدخلوا عليا شايلينه !!.. الراجل قال : بــس .. خشوا يا شباب
============
واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح .. قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك
============
واحد اتصل بزوجته فى البيت وقالها انا كسبت مليون دولار جهزي شنطة هدومك
قالتلو اخد الملابس الصيفي ولا الشتوي ؟ ؟ ؟ ؟
قالها خدي كل هدومك المهم اجي ومالاقيكيش فى البيت
============
غبى راح للصيدلية قال للصديلى هات ابرة من اللي بتاخدها مراتي
قاله الصيدلي اسمها أيه ؟ ؟ ؟؟
قالو اسمها مديحة
============
بخيل سأل مراته اجيبلك ايه هديه عيد جوازنا فلوس ولا تاخدي موبايلي الجديد ؟؟؟ قالت لنفسها ده بخيل جلدة اكيد لو قلت فلوس هيديني 2 جنيه فقالتله خلاص عايزة موبايلك الجديد قالها اكتبي عندك زيرو اتناشر تلت خمسات صفرين سبعتين
============
اتنين فشارين اوى واحد بيقول للتانى تصور ماما جابتلنا حله وسعها 10 فدان .. التاني قاله طب وايه يعني ماحنا ماما جابتلنا باميه الواحدة منها طولها 2 متر ..صاحبه قاله ايه ده و بتطبخوها فين دي ؟؟؟؟ قاله فى حلة امك
============
قـصيدة شـعر لواحد بلدينا :- وبحبك كيف ماخابرش .♥♥♥♥. وعلى فراجك ماجادرش .. من كتر الشوج خسيت وآني كنت تخين وبكرش .. والحب يابوي بهدلني .. مرمطني جوي وخرشمني .. وغرامك بيغرمني وماعادش معاي ولا جرش .. شومة حبك بطحتني .. وجاموسة الشوج نطحتني .. والهوى جحشته رفستني .. وآني يابوي ماصابرش.
============
واحد كل يوم يعدى على مطعم ويسأل الطباخ عندكوا كيكة الطماطم ؟ فيقوله الراجل لاء فيجى تانى يوم يسأله عندكوا كيكة الطماطم؟ فالراجل يقوله لاء .. ويجى تالت يوم يعمل نفس الحكاية .. فالراجل زهق و قال لما اعمله كيكة طماطم و امرى لله .. جه تانى يوم وقاله عندكوا كيكة الطماطم ؟ فالراجل قاله ايوا يا سيدى .. قاله : يععععععع بتاكلوها ازاى دى ؟؟؟
============
اتنين حراميه دخلوا شقة بليل .. صاحب الشقة صحى فجأة فواحد منهم استخبى فى البلكونة والتانى استخبا فى الحمام .. شوية وصاحب البيت دخل البلكونة ومسك الاولانى وقاله انت بتعمل ايه هنا ؟؟؟ فالحرامى قاله استنى بس هفهمك .. أأ..أأأ...أنا من سلاح الطيران فى الجيش وكنت بحارب اليهود بالطياره لكن صاروخ جه فيا فنزلت بالبراشوت في البلك...ونة دى ... الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه
============
مرة 3 أطفال راحوا محل لعب واد منهم بيقول للراجل : عمو عمو عايز بلونة .. الراجل جاب السلم وطلع جابله بلونة ونزل وسأل التاني: وانت عايز ايه ؟ قاله عايز بلونة .. قاله وماقلتش ليه منا كنت فوق !! المهم طلع جابهاله وهو فوق سأل الواد التالت: وانت كمان عايز بلونة ؟؟؟ قاله لأ.. فنزل الراجل وسأله : امال عايز ايه ؟ قاله عايز بلونتين
============
بلدينا راكب طيارة وعايز يروح الحمام فخبط علي كتف المضيفة وهو محرج جدا وسألها هو التاوالات منييييان ؟ قالتله: نعم ؟ قالها : هو التاوالات منييييان ؟ قالتله تقصد التواليت ؟ قالها إيوه ... قالتله من الناحية التانية ... فراح خبط عالكتف التاني وسألها : هو التاوالات منيييييان ؟
============
ليه كوبرى القبة اتسمى كدة ؟؟؟ عشان المهندس اللى كان بيبنية كان واقف علية فاوقعت السجارة منه فقال أوبااااااا
============
واحده بتقول لجوزها : الحق السخان اتحرق .... قالها: وانا اعملك ايه هو انتى شايفانى كهربائى ... بعدين قالتله : الحق الدولاب اتكسر قالها : ياستى وانا مال اهلى هو انتى شايفانى نجار وسابها ونزل راح شغله ورجع لقى السخان شغال والدولاب سليم ...
قالها : ايه ده عملتى دول ازاى ? قالتله : لقيت جارنا نازل عالسلم قلتله عليهم قالى هعمله...م على شرط ياما تديني بوسه ياما تعمليلى جاتوة ... فالراجل صعق
وقالها : اكيد عملتيله جاتوة ... قالتله : ليه هو انت شايفنى لابوار
============
بلديتنا اتجوز ، مراته خلفت بعد شهر واحد من الجواز .. واحد قاله ازاى كده ؟؟!!! قاله اعوذ بالله يا أخى حتى الحسد فى دى كمان.
============
ذات يوم رأت الأميرة ليلى الثعلب خلف شجرة فسألته: هل انت الثعلب؟ فقال لها نعم .. ثم رأت الاميرة ليلى الثعلب خلف صخرة فسألته :هل انت الثعلب ؟ فقال لها نعم .. ثم رأت الاميرة ليلى الثعلب داخل مغارة فسألته : هل أنت الثعلب ؟ فقال لها: ايوا انا الزفت انا الهباب انا الطين .. سيبينى بقى اعرف اعمل حمام
============
بيقولك كان فى مسابقة اللى هيدخل يسرق اى حاجة من شقة الراجل العجوز وميحسش بيه هياخد مليون جنيه المهم الراجل العجوز كان عنده قطة دخل الامريكى يسرق وهو خارج وقع الكرسى فقال العجوز مين? رد عليه وقال نيووووو قال العجوز دى القطة مش مهم راح داخل الفرنسى يسرق وهو خارج وقع الكرسى فقال العجوز مين رد عليه وقال نيوووووو فقال العجو...ز دى القطة مش مهم دخل بلدينا يسرق وهو خارج وقع الكرسى فقال العجوز مين قاله انا الجُطة.
============
مرة واحد مخنوق اوى من الدنيا كلها جرس الباب رن الساعه 10 الصبح فصحى و فتح الباب لقى وحدة مذيعة بتقله ممكن نعرف ياترى بتعمل ايه اول تقوم من النوم ؟ قالها انا بقوم من أم النوم اروح أم الحمام افتح أم الحنفية اغسل أم وشى اروح أم الاوضه اقلع أم الترنج البس ام البنطلون انزل من أم الشقة اركب أم الاتوبيس اروح أم الشغل وبعد ما ...اخلص ام الشغل ارجع أم البيت وخلاص .. قالتله المزيعة: يا فندم يلعن أم البرنامج اللى خلانا نشوف أم وشك.
============
محشش رايح يخطب جابلو له كوب شاي فيها ورقة ليبتون
قال ياخبر ابيض من اولها حجابات ؟ ؟ ؟ ؟
============
شوية رجالة واقفين واحد قالهم: اللي بيخاف من مراته يجي ناحية اليمين كلهم اتحركوا ماعدا واحد قاله: يعني أنت يا أمور اللي مش بتخاف من مراتك
قاله: انا مراتي قالتلي متتحركش من مكانك
============
حسنى ونظيف اتنكروا ونزلوا الشارع ركبوا تاكسى فحسنى بيسأل السواق اية رئيك فى جمال عبد الناصر والسادات وحسنى مبارك قاله الاول صعب ...الثانى بتاع انفتاح... التالت ابن كلب... قام حسنى قالع القناع , راح السواق ماسك الفتيس وقال الرابع ما بينقلش... والخامس معلق... ومافيش سادس
...
ا
الفرق بين البنت والولد فى الكمين
نـدخــل عـ الكمين
( سرعـة القيـادة )
البنـات
بابتسامة.. إيه مستعجله ليه ؟
مين سعيد الحظ ده اللي مزودة سرعتك عشانه
لو مش خايفـة على نفسك إحنا خايفين عليكي
من فضلك الرخصـة و البطاقة و رقم الموبايل
الشباب
اقف يا تيييييييت
ماشى بسرعـة ليه يا خويا
وراك الديوان
يلا ياض طلع رخصك ورخص العربية و إركنلى على جنب
ده أنا هسود عيشتك
( حزام الآمــان )
البنـات
اهلا بمواطنة بلدنا الغالي .. إربطي الحزام .. علشاني ..
وايه ذنب الحزام المسكين لو متربطش على الجسم الرشيق ..!!
لو سمحتي الرخصة و البطـاقـة و رقم الموبايل
الشباب
مش رابط الحزام ليه يا خويا
اجيبلك توكه يلا إقب ب 150 جنية غرامة
( قطع الإشــارة)
البنـات
ليه قاطعة الإشارة إللي زى خدودك الحمرا
اقفي عشان ما تحرميش الناس من انهم يشوفوكى في الأشارة
دى الإشارة الحمرا ما حطوهاش إلا عشـان الحلوين اللى زيك
لو سمحتي الرخصه و البطـاقـة و رقم الموبايل
الشباب
بتكسر الإشاره
هه هه اركنلى اركنلى
انزل واقب بـ 500 جنيـة ياما تتسحب انت والعربية
(السير في الإتجــاة المعاكس )
البنـات
تصدقي انك ماشيه عكس السير..
يا بخت الي واخد عقلك
خلي بالك ما تمشيش عكس السير.. بعدين ازعل ..
بصراحه ريحة برفانك حلوة
لو سمحتي الرخصه و البطـاقـة و الرقم
الشباب
هههههه فى المعاكس
هههههههه ده أنا هعكسلك عيونك
عالبوكس يا حلو ويلا يا ابنى إسحبلى العربية
( كسر بزجاج العربية )
البنـات
على فكرة يا قمر مش حلو انك تسوقى و زجاج السياره مكسووور
عارفه هيزيد وزنك 4 كيلووو
عندي ليكي فكرة.. أديكي رقمي و اتصلي وقت ما تحبي تغيري الإزاز
اعرف محل يضبطه
ممكن الرخصـة و البطـاقة و رقم الموبايل
الشبـاب
فين الإزاز ياض
فاتحها شاليــه يا حبيبى
إركنلى على جنب
إركـــن
( طفايــة الحريق )
البنــات
لازم يا قمر تحطي الطفايـة مش عشـان العربيـة
لاء.. عشـان أطفي قلبي
آه يا جمالك
ممكن الرخصــة .. و البطــاقـــة .. و رقم الموبايل
الشبــاب
الطفايـة فين
ولما العربية تنفجر بيك و تولعك و تتفحم
مين هيطفيك وللا هيطفي العربيـة
يللا 200 جنيــة غرامـة
( الوقوف في الممنوع )
البنــات
تصدقي مش حلوة وقفتك
الرصيف دا حاطينه و ناسيين يكتبوا تحته ممنوع الوقوف
و لو زعلانة حالاً
اروح اشتري بخاختين ..وارش على الرصيف
لو سمحتي الرخصه و البطـاقـة و رقم الموبايل
الشبــاب
انت فاكره طريق بابا.. تركن وقت ماتحب
وربنا لأكلبشهالك و تجيلى مشى لحد النقطة
تدفع الغرامة و أفوت عليك بكرة أفكها
1/11/2011, 17:32
